წალენჯიხის მუნიციპალიტეტის მერიის ინფორმაციით, საჩინოს ადმინისტრაციულ ერთეულში სტიქიური მოვლენების პრევენციისა და ინფრასტრუქტურის გაუმჯობესების ფარგლებში ახალი სახიდე გადასასვლელის მშენებლობა მიმდინარეობს. პარალელურად, მოსახლეობის უსაფრთხო გადაადგილების უზრუნველსაყოფად, რეაბილიტაცია უტარდება დროებით სათადარიგო ხიდსაც.
გავრცელებული ცნობით, ინფრასტრუქტურული პროექტი ცენტრალური ბიუჯეტიდან ფინანსდება. სამუშაოების მიმდინარეობას ადგილზე მუნიციპალიტეტის ხელმძღვანელობა და ადგილობრივი თვითმმართველობის წარმომადგენლები გაეცნენ.
