სტამბოლის ცენტრში სამართალდამცავები მეორე ეჭვმიტანილს ეძებენ. როგორც თურქული მედია იტყობინება, ადგილზე მომუშავე პოლიციელეები არ გამორიცხავენ, რომ მიმდებარე ტერიტორიაზე კიდევ ერთი თვითმკლველი იმალებოდეს ან ბომბი იყოს დამონტაჟებული.
შეგახსენებთ, სტამბოლოს ცენტრის ისტორიულ უბანში, სულთან-აჰმეთის მოედანზე აფეთქება ადგილობრივი დროით 10:30 საათზე მოხდა, რომელსაც მინიმუმ 10 ადამიანი ემსხვერპლა. არიან დაშავებულებიც, რომლებიც საავადმყოფოში არიან გადაყვანილნი. გავრცელებული ცნობით დაღუპულთა და დაშავებულთა შორის უცხოელი ტურისტები არიან.
ერთ-ერთი ვერსიით, თვითმკვლელმა ტერორისტმა ტერაქტი მოაწყო და უცხოელი ტურისტების გვერდით აიფეთქა თავი.
შემთხვევის ადგილზე სამართალდამცავები მუშაობენ.
