“სრული სოლიდარობა კლუბებს… ერთი მაგარი კლუბიც უნდა გაიხსნას სუსის შენობაში. გარწმუნებთ, არ ვხუმრობ!”-მიხეილ სააკაშვილი

“სრული სოლიდარობა კლუბებს… ერთი მაგარი კლუბიც უნდა გაიხსნას სუსის შენობაში. გარწმუნებთ, არ ვხუმრობ!” – ამის შესახებ საქართველოს მესამე პრეზიდენტი მიხეილ სააკაშვილი გავრცელებულ მიმართვაში წერს.

ქართული კლუბური კულტურა მთელი მსოფლიოს მასშტაბით, ერთ-ერთი მთავარი სახელგანთქმული პროდუქტია, რომლითაც ყველა ვამაყობთ. მე გამიგია ძალიან ბევრი უკრაინელისგან, ევროპელისგან, ამერიკელისგან, რომ თბილისსა და ბათუმს აქვთ მსოფლიოში საუკეთესო ღამის კლუბები. ისინი არიან თავისუფლების კულტურის უმნიშვნელოვანესი ნაწილი.

ესე იგი, წინანდალში 500-კაციანი ქეიფი შეიძლება, ნაძვის ხესთან ათასობით ადამიანი დასაშვებია და კლუბები არა. გასაგებია, რომ მათ ხელოვნურად კლავენ ხან ერთი მიზეზით, ხან მეორეთი.

კიევში თითქმის არ ჩაკეტილა კლუბები და ეპიდემიის დროს ახლებიც კი გაიხსნა და ბევრად ნაკლებია კოვიდით დაღუპულები, ვიდრე თბილისში. ახლა ჩვენ ვკარგავთ პროფესიონალებს და ამ სფეროში ქართველებზე დიდი მოთხოვნაა უკრაინაშიც და ევროპაშიც.

ჩემი სრული სოლიდარობა კლუბების კოლექტივებს. ერთი მაგარი კლუბიც უნდა გაიხსნას სუსის შენობაში მას შემდეგ, რაც სუსი გაუქმდება. გარწმუნებთ, არ ვხუმრობ და მალე გახდებით ამის მომსწრე!, – წერს მიხეილ სააკაშვილი.

წინა სტატიაშიმსოფლიო პატრიარქის საშობაო ეპისტოლე ქართულ ენაზეც გამოქვეყნდა
შემდეგი სტატიანიკა მელია: ახალგაზრდობის სივრცეს ზღუდავენ!