სპორტსმენის კლასტერიდან სამ პირს კორონავირუსი არ დაუდასტურდა.
ანაკლიის საკარანტინო სივრცეში მყოფი სამი პირის ბიოლოგიური მასალა დღეს გაიგზავნა ლუგარის ლაბორატორიაში. პაციენტები სპორტსმენის კლასტერიდან არიან. ორი მათგანი წალენჯიხის მუნიციპალიტეტიდან არის, მესამე კი ზუგდიდის მკვიდრია.
საქართველოში კორონავირუსი 252 ადამიანს დაუდასტურდა, მათგან 67 გამოჯანმრთელდა, 3 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.
