იაპონიის ვაკაიამას პრეფექტურაში დასვენების თემატურ პარკში Adventure World, სპილომ ზოოპარკის თანამშრომელი სასიკვდილოდ სცემა – დღეს, 12 მარტს The Japan Times-ი წერს.
37 წლის მამაკაცი, ტაილანდელი ვიჩაი მადი, კოლეგასთან ერთად ვოლიერში სპილოს ბანდა. გარკვეულ მომენტში 40 წლის სპილო, რომელიც 3,5 ტონას იწონის, განერვიულდა და მამაკაცი ვოლიერის რკინის ღობეზე შემოსტყორცნა, შემდეგ კი ის ხორთუმით სცემა.
მამაკაცი საავადმყოფოში გადაყვანიდან ერთ საათში გარდაიცვალა.
ჯერჯერობით, დაუდგენელია, რამ გამოიწვია სპილოს განერვიულება.