მოქალაქეთა კუთვნილი დიდი ოდენობით თანხების მოტყუებით დაუფლების ფაქტზე დაკავებული „სფერო ჰოლდინგის“ დამფუძნებელი გივი წულეისკირი და იურისტი სოფიკო პეტრიაშვილი სასამართლომ დამნაშავედ ცნო – ინფორმაციას TVპირველი ავრცელებს.
მოსამართლე თამარ მახარობლიძის გადაწყვეტილებით, გივი წულეისკირს 12 წლით პატიმრობა განესაზღვრა, ხოლო სოფიკო პეტრიაშვილს 8 წლით.
მოქალაქეთა კუთვნილი დიდი ოდენობით თანხების სამსახურებრივი მდგომარეობის გამოყენებით, წინასწარი შეთანხმებით ჯგუფის მიერ მოტყუებით დაუფლების ბრალდებით „სფერო ჰოლდინგის“ დამფუძნებელი გივი წულეისკირი 10 ნოემბერს დააკავეს, ხოლო სოფიკო პეტრიაშვილი 4 თებერვალს.
ამავე საქმეზე დაკავებულია „სფერო ინვესტის“ დირექტორი, ძებნილი გიორგი მურუსიძეც, რომელიც საზღვარგარეთ აიყვანეს.
პროკურატურის ცნობით, ბრალდებულთა ქმედებების შედეგად მოქალაქეებისთვის მიყენებული ზიანი 12 მილიონ ლარს აღწევს.
