პანკისის ხეობაში ჩატარებული სპეცოპერაციისას დაჭრილი 19 წლის თემირლან მაჩალიკაშვილი თელავის რეფერალური საავადმყოფოდან თბილისში, წმინდა მიქაელ მთავარანგელოზის სახელობის კლინიკურ საავადმყოფოში გადმოიყვანეს. ის თელავიდან დაახლოებით 2 საათის წინ წამოიყვანეს.
მაჩალიკაშვილი ამ დრომდე რეანიმაციულ განყოფილებაში რჩებოდა და ხელოვნური სუნთქვის აპარატზე იყო მიერთებული. თემირლან მაჩალიკაშვილს ქალა-ტვინის გამჭოლი ჭრილობა აქვს, მას ნეიროქირურგიული ოპერაცია რამდენიმე საათის განმავლობაში უტარდებოდა.
ოჯახის მტკიცებით, სპეცოპერაციის დროს ახალგაზრდას საძინებლის კარი შუემტვრიეს და მყისიერად, საწოლშივე ესროლეს.
