ეს ნონაა, ჩემი სოფლის “ხამისკურის” პატრონი, ადამიანი, რომელიც წლები ხობის საავადმყოფოში მუშაობდა, თუმცა იმის გამო, რომ ფინანსურად ანაზღაურება ძალიან დაბალი იყო, სამსახურიდან წამოვიდა და ახლა მისი იმედით თითქმის მთელი სოფელი ცხოვრობს: პატარა, ცქრიალა, კეთილი ქალი ოჯახ-ოჯახ დადის და ეხმარება ყველას, ვისაც მისი დახმარება სჭირდება. თუ ვინმე ცუდად არის, პირველი ნონას ეძახიან, ყველას იმედია, ყველას ცხოვრებით ცხოვრობს, ყველას ბედნიერებით ხარობს და სხვისი უბედურებით წუხს, მისი ფასი სოფელშიც არავინ ჰყავთ და არ არსებობს ალბათ, ადამიანი, ვისაც მისი სახელის გაგონებაზეც კი თვალები არ გაუთბება და სულაც არ არის ნონა მარტოხელა – მისი მადლიერი ადამიანები ყოველთვის მის გვერდით იქნებიან რა თქმა უნდა, ნონას ყველაზე მეტი სიყვარული აქვს-წერს ჟურნალისტი რაულ ქირია.