წალენჯიხის მუნიციპალიტეტის სოფელ საჩინოში ტრაქტორი ამობრუნდა, რასაც შუახნის ქალის სიცოცხლე ემსხვერპლა. ასევე არიან დაშავებულებიც
გავრცელებული ინფორმაციით, ტრაქტორზე 6 ადამიანი იმყოფებოდა, რომლებიც თხილის შესაგროვებლად მიდიოდნენ. ექვსი ადამიანიდან 2 საავადმყოფოში იქნა გადაყვანილი დანარჩენს კი მსუბუქი დაზიანებები აღენიშნებათ.
როგორც “თაიმერს” შინაგან საქმეთა სამინისტროში განუცხადეს, გამოძიება 276-ე მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ბერდია კალანდია