მარტვილის მუნიციპალიტეტის სოფელ ლეხაინდრავოში ცოფის შემთხვევის გამო კარანტინი გამოცხადდა.
არსებული ინფორმაციით, დაახლოებით ერთი თვის წინ სოფელში მიუსაფარ ძაღლს ცოფი დაუდასტურდა. გაირკვა, რომ იმავე ძაღლმა დაკბინა ძროხაც, რომელსაც მოგვიანებით ცოფი განუვითარდა და დაიღუპა.
მარტვილის საზოგადოებრივი ჯანდაცვის ცენტრის ხელმძღვანელის, როზა ჯანაშიას განცხადებით, ინფიცირებულ პირუტყვთან კონტაქტში მყოფი ოჯახის წევრები პრევენციულად ანტიცოფური ვაქცინაციის კურსს გადიან.
უსაფრთხოების მიზნით, სოფელ ლეხაინდრავოში, შემთხვევის კერიდან რამდენიმე კილომეტრის რადიუსში, კარანტინი დაწესდა, რომელიც ერთი თვის განმავლობაში იმოქმედებს.
