სომხეთში H1N1 ვირუსით, ე.წ. “ღორის გრიპისგან” მეორე ადამიანი გარდაიცვალა – რესპუბლიკის ჯანდაცვის სამინისტრომ გაავრცელა. “გარდაცვლილ 62 წლის მამაკაცს H1N1 ვირუსი აღმოაჩნდა, ის გულ-სისხლძარღვთა უკმარისობით გარდაიცვალა” – უწყებაში აღნიშნეს. ასევე, მედიკოსები ამბობენ, რომ ვირუსს “გამრავლების ტენდენცია აქვს”. სომხეთში აღნიშნული ვირუსისგან პირველი ადამიანი 11 იანვარს დაიღუპა.