სომხეთის პარლამენტმა ნიკოლა პაშინიანის კანდიდატურა პრემიერის პოსტზე არ დაამტკიცა – “ბიბისი” ავრცელებს. პაშინიანს ხმა 45-მა დეპუტატმა მისცა 55-ის წინააღმდეგ, ორმა თავი შეიკავა. სომხეთის კონსტიტუციის თანახმად, პრემიერ-მინისტრის ახალი არჩევნების ჩატარება მხოლოდ 7 დღის შემდეგ არის შესაძლებელი. მეორე ტურში კანიდატი უნდა წარადგინოს არა ცალკეულმა ფრაქციამ, არამედ, დეპუტატების მინიმუმ ერთმა მესამედმა. თუკი მთავრობის ხელმძღვანელს მეორედაც ვერ აირჩევენ, ეს პარლამენტის ავტომატურ დაშლას გამოიწვევს.