სომხეთის რესპუბლიკის კონსტიტუციის 158-ე მუხლის თანახმად, ახლად არჩეული ეროვნული კრების პირველი სხდომის დღეს მთავრობა გადადგება. ამის შესახებ ცოტა ხნის წინ რესპუბლიკის პრემიერ-მინისტრმა ნიკოლ ფაშინიანმა განაცხადა. ინფორმაციას სომხური მედია ავრცელებს.
ფაშინიანის მიერ გამოქვეყნებულ ვიდეოში ფაშინიანმა მთავრობის გადადგომის შესახებ განცხადებას მოაწერა ხელი. დოკუმენტი სომხეთის რესპუბლიკის პრეზიდენტს გაეგზავნა.
მან აღნიშნა, რომ გადამდგარი მთავრობის წევრები თავიანთი მოვალეობების შესრულებას განაგრძობენ, ხოლო სომხეთის რესპუბლიკის პრეზიდენტი ახლად არჩეული ეროვნული კრების უფლებამოსილების ვადის დაწყებისთანავე დაუყოვნებლივ ნიშნავს პრემიერ-მინისტრად საპარლამენტო უმრავლესობის კანდიდატს.
