თბილისის ქუჩებში საპროტესტო მსვლელობა იმართება. უწყვეტ საპროტესტო აქციებში ჩართული მოქალაქეები რიგით 35-ე „შაბათის მარშს“ მართავენ.
დემონსტრანტები ავლაბრის მოედნიდან მთავრობის ადმინისტრაციის შენობის მიმართულებით გადაადგილდებიან. დღევანდელი მარშის მთავარი თემა უცხოეთში მცხოვრები თანამოქალაქეების მხარდაჭერაა.
„ივანიშვილმა ემიგრანტებს ხმის უფლება წაართვა“, — აცხადებენ საპროტესტო აქციის მონაწილეები.
მსვლელობისას ტრადიციულად ისმის სხვა ძირითადი გზავნილებიც, მათ შორის აქციებზე დაკავებული პირების მხარდაჭერა და მათი გათავისუფლების მოთხოვნა.
