სოხუმში ლუგარის ლაბორატორიაზე იმსჯელეს (ვიდეო)

timer.ge თაიმერი
: timer.ge თაიმერი დეკემბერი 28, 2018 00:49

სოხუმში ლუგარის ლაბორატორიაზე იმსჯელეს (ვიდეო)

აფხაზეთის დე-ფაქტო რესპუბლიკის თავდაცვის სამინისტროში კონფერენცია შედგა თემაზე “ბიოლოგიური იარაღი: თანამედროვე გამოწვევები და საფრთხეები” – ამის შესახებ ინფორმაციას ადგილობრივი მედია ავრცელებს. მომხსენებლების მთავარი სამიზნე რიჩარდ ლუგარის სახელობის საზოგადოებრივი ჯანმრთელობის კვლევითი ცენტრი გახდა.

დე-ფაქტო აფხაზეთის სამხედრო ძალების პოლკოვნიკმა ვადიმ კორტავამ სიტყვით გამოსვლისას თქვა, რომ ლუგარის ლაბორატორიასთან დაკავშირებით ინფორმაცია დახურულია, რადგანაც მას სამხედროები აფინანსებენ,ასევე, კორტავას თქვით, შექმნილია ლაბორატორიის ქსელი მეორე და მესამე ზონის უსაფრთხოებით, სადაც პათოგენების დიაგნოსტირება ხდება, რომელიც ადამიანებისა და ცხოველების ჯანმრთელობისთვის საშიშროებას წარმოადგენენ. გარდა ამისა, კორტავას თქმით, ლაბორატორია რეგიონში არსებული მწერებისა და მიკროორგანიზმების შესახებ აგროვებს ინფორმაციას, რომ ის შემდეგ ბიოლოგიურ იარაღად გამოიყენოს სხვადასხვა ქვეყნების წინააღმდეგ. საუბრის თემა სხვა გამომსვლელებმაც გააგრძელეს. მათი რიტორიკა ოფიციალური რუსეთის რიტორიკის ანალოგი იყო.

რუსეთის სახელმწიფო უწყებებისა და მედიის მიერ გავრცელებული ინფორმაცია ლუგარის ლაბორატორიაში ე.წ დახურული კვლევების შესახებ ყოველგვარ საფუძველს არის მოკლებული – ასე განაცხადეს საქართველოს ოფიციალურმა პირებმა მას შემდეგ, რაც რამდენიმე ქვეყნიდან მოწვეულმა საერთაშორისო ექსპერტებმა ლუგარის სახელობის ლაბორატორია დაათვალიერეს და იქ მიმდინარე კვლევები შეისწავლეს. ექსპერტების მიერ შედგენილი შესაბამისი დასკვნა საქართველოს საგარეო საქმეთა სამინისტრომ გამოაქვეყნა.

 

 

timer.ge თაიმერი
: timer.ge თაიმერი დეკემბერი 28, 2018 00:49

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,711
ვიზიტორი
დღეში
Powered By Google Analytics