საინფორმაციო სააგენტო “თაიმერს” მიაწოდეს სოხუმის ბავშვთა საავადმყოფოში შექმნილი ვითარების ამსახველი ფოტომასალა, რომელიც რამდენიმე დღის წინ ერთ-ერთი პაციენტის მშობელმა გადაიღო. ფოტოებზე კარგად ჩანს თუ რა მძიმე ვითარებაა შექმნილი ამ სამედიცინო დაწესებულებაში და, შესაბამისად, რა პირობებში მიმდინარეობას ბავშვების მკურნალობა.
პაციენტის მშობლის (გასაგები მიზეზების გამო მან არ ისურვა სახელის და გვარის დასახელება) თქმით, ფოტოები ასახავს პალატებში შექმნილ ტიპურ მდგომარეობას, ხოლო სველ წერტილებში სიტუაცია კიდევ უფრო სავალალოა.