სოციალურ ქსელში ეკა კუპატაძის შეურაცხყოფისთვის, გიგა ავალიანის საქმის ერთ-ერთი მსჯავრდებულის ანი ნასყიდაშვილის ნათესავი 3 000 ლარით დააჯარიმეს.
“დათვალიერდა როგორც კონკრეტული პოსტი, რომელზეც უთითებდა ქალბატონი ეკა, ასევე მის ქვეშ განთავსებული კომენტარები. ერთ – ერთი კომენტარის ავტორი იყო ქალბატონი მაკა ბახტაძე. პოსტი თავისი შინაარსით იყო შეურაცხმყოფელი, რის გამოც დაიწყო ადმინისტრაციული წარმოება. სასამართლომ პირი სამართალდამრღვევად ცნო და მის მიმართ სახდელის სახით გამოიყენა ჯარიმა 3 000 ლარის ოდენობით. ქალბატონი მაკა მის მიერ ჩადენილ ქმედებას არ ინანიებდა და სასამართლო სხდომაზეც აგრძელებდა ქალბატონი ეკას და მისი გარდაცვლილი შვილის შეურაცხყოფას”,_ თქვა შსს-ს იურისტმა.
გიგა ავალიანის საქმეზე ანი ნასყიდაშვილს 5 წლითა 3 თვით თავისუფლების აღკვეთა აქვს მისჯილი. სასამართლომ ის 2 ივნისს
განსაკუთრებით მძიმე დანაშაულის შეუტყობინებლობაში დამნაშავედ ცნო.
