სმიტების ოჯახის მკვლელობაში ბრალდებული მალხაზ კობაურის ადვოკატის, ლექსო კობაიძის განცხადებით, კობაურის ფსიქიატრიული დასკვნა დღეს გადაეცემა.
ამერიკელი ცოლ-ქმრისა და მათი შვილის მკვლელობაში ბრალდებულის ადვოკატი სასამართლო ექსპერტიზის ეროვნულ ბიუროში იმყოფება, სადაც მისი დაცვის ქვეშ მყოფის ფსიქიკური მდგომარეობის შესახებ დასკვნას გადასცემენ.
ექსპერტიზის ბიუროში შესვლამდე ადვოკატმა განაცხადა, რომ აღნიშნული დასკვნა ყველაფერს ნათელს მოჰფენს და საზოგადოება დარწმუნდება, რომ მწყემსი ფსიქიკურად გაწონასწორებული და ჯანმრთელია.
„მალხაზ კობაურს მკვლელობა არ ჩაუდენია. სიმართლე სულ მალე გაირკვევა“,-აცხადებს ლექსო კობაიძე.
