Sky News-ის ინფორმაციით, ირანულმა კატარღებმა ჰორმუზის სრუტეში სულ მცირე ორ სავაჭრო გემს ცეცხლი გაუხსნეს.
საზღვაო წყაროზე დაყრდნობით, საერთაშორისო მედია წერს, რომ სროლა მას შემდეგ მოხდა, რაც ირანმა სრუტე ხელახლა ჩაკეტა, გემებმა კი იქ გავლა სცადეს.
დიდი ბრიტანეთის საზღვაო სავაჭრო ოპერაციების სამსახური (UKMTO) იტყობინება, რომ დააფიქსირა ინციდენტი სრუტის მახლობლად, ომანის ჩრდილო-აღმოსავლეთით. მათივე ინფორმაციით, ერთ-ერთი ტანკერის კაპიტანმა განაცხადა, რომ მის გემს ირანის „რევოლუციის გუშაგთა კორპუსის“ კატარღები მიუახლოვდნენ და ცეცხლი გაუხსნეს. გავრცელებული ინფორმაციით, ტანკერი და მისი ეკიპაჟი უსაფრთხოდ არიან.
ირანმა გუშინ გახსნილი ჰორმუზის სრუტე დღეს ისევ ჩაკეტა და მიზეზად აშშ-ის მხრიდან პორტების საზღვაო ბლოკადის გაგრძელებას დაასახელა
ირანის ლიდერის, მოჯთაბა ხამენეის X-ზე ამის შემდეგ გავრცელდა განცხადება, რომ ირანის საზღვაო ფლოტი მზადაა მტრებს „ახალი მწარე მარცხი“ მიაყენოს
