ჟურნალისტ-გამომძიებლების საერთაშორისო ჯგუფმა სერგეი და იულია სკრიპალების მოწამვლის საქმეზე მეორე ეჭვმიტანილის გვარიც დაასახელეს. Bellingcat და The Insider-ი თვლიან, რომ ალექსანდრე პეტროვს სინამდვილეში ალექსანდრ მიშკინი ქვია. ის წარმოშობით არხანგელსკიდან არის და სკოლაში სოფლის დიჯეი იყო. მიშკინების ოჯახი მოგვიანებით ვოლოგდაში გადავიდა საცხოვრებლად. ალექსანდრი პროფესიით სამხედრო ექიმია, მას “დამთავრებული აქვს ერთ-ერთი ელიტური სამედიცინო სასწავლებელი”. დაუდასტურებელი ინფორმაციით, მასაც გმირის ორდენი აქვს მიღებული, ისევე, როგორც სკრიპალების საქმეში მეორე ეჭვმიტანილს, ანატოლი ჩეგიპას.
Bellingcat-ისა და The Insider-ი ს ინფორმაციით, ალექსანდ მიშკინი უკრაინაში, დნეპრისპირეთსა და დასავლეთ ევროპაში სხვადასხვა ოპერაციებში მონაწილეობდა – “ბიბისი” წერს.
რუსეთის უშიშროების ყოფილი აგენტი სერგეი სკრიპალი და მისი ქალიშვილი იულია სკრიპალი ბრიტანეთის პატარა ქალაქ სოლსბერიში 4 მარტს ქიმიური ნივთიერება “ნოვიჩოკით” მოწამლეს.
