დღეს ოჭანესა და ჯგალში ორი ახალი თანამედროვე სტანდარტების შესაბამისი საბავშვო ბაღი საზეიმოდ გახსნეს წალენჯიხა-ჩხოროწყუს მაჟორიტარმა დეპუტატმა გოგა გულორდავამ, წალენჯიხის მუნიციპალიტეტის მერმა ბესიკ ფარცვანიამ და სკოლამდელი-სააღმზრდელო დაწესებულებათა მართვის ცენტრის დირექტორმა ნატო კვარაცხელიამ.
“სასწავლო პროცესის დაწყებასთან ერთად საბავშვო ბაღებში დაცულია ყველა რეკომენდაცია, რომელიც ჯანდაცვის სამინისტრომ კორონავირუსის გავრცელების პრევენციის მიზნით გასცა.ეს არის ერთ-ერთი მნიშვნელოვანი პროექტი, აქ მცხოვრები მოსახლეობისათვის, რამეთუ ჯანსაღი თაობა არის ქვეყნის მნიშვნელოვანი პრიორიტეტი. წალენჯიხის მუნიციპალიტეტის მასშტაბით, სააღმზრდელო დაწესებულებები აღჭურვილია ყველა საჭირო ინვენტარით, რათა აღსაზრდელები უსაფრთხო გარემოში იყვნენ-აცხადებს სკოლამდელი-სააღმზრდელო დაწესებულებათა მართვის ცენტრის დირექტორმა ნატო კვარაცხელია. მისივე განცხადებით, უახლოეს დღეებში გაიხსნება ასევე 60 ბავშვზე გათვლილი მიქავას საბავშვო ბაღი.
პანდემიიდან გამომდინარე, მუნიციპალიტეტის მასშტაბით, სადეზინფექციო სამუშაოები ყველა სააღმზრდელო დაწესებულებაში ინტენსიურად გაგრძელდება.
