საოკუპაციო ხაზთან მდებარე სოფელ ჩორჩანაში სტაბილური ვითარებაა და სიტუაცია კონტროლს ექვემდებარება – ამის შესახებ განაცხადა საქართველოს შინაგან საქმეთა მინისტრის მოადგილემ ვლადიმერ ბორცვაძემ, რომელიც ჩორჩანაში იმყოფება.
ბორცვაძის თქმით, ადგილზე რჩებიან ევროკავშირის სადამკვირვებლო მისიის წარმომადგენლებიც და ამოქმედებულია ყველა მექანიზმი, რათა ყველა სადავო საკითხი კონსტრუქციულად, ექსცესების გარეშე გადაწყდეს.
