20 ივნისის სისხლიან მოვლენებს შეერთებულ შტატებში მყოფი ემიგრანტები ეხმაურებიან. საქართველოს მოქალაქეებმა რუსული ოკუპაცია ნიუ იორკში გააპროტესტეს და “ქართული ოცნების” ხელისუფლების გადადგომა მოითხოვეს.
ამერიკაში მცხოვრებმა ემიგრანტებმა სოლიდარობის აქცია საქართველოს პარლამენტში გავრილოვის გამოჩენისთანავე დაგეგმეს. ისინი ამბობენ, რომ ემიგრანტები საქართველოს ინტერესებს ბოლომდე დაიცავენ და მხარდაჭერას უცხადებენ სამოქალაქო აქტივისტებს, გაერთიანებულ ოპოზიციას და ყველას, ვინც საქართველოს “რუსიფიკაციას” ეწინააღმდეგება.