სირიის არმია, რუსული ავიაციის დახმარებით “ისლამური სახელმწიფოს” მიერ დაკავებულ და ხალიფატის დედაქალაქად გამოცხადებულ ქალაქ რაკაზე შეტევას აგრძელებს – ლონდონში ბაზირებული სირიის ადამიანის უფლებების მონიტორინგის ჯგუფი ავრცელებს.
როგორც ორგანიზაცია ირწმუნება, სამთავრობო ჯარები რაკას მიდამოებში, ქალაქ ტაბკას უახლოვდებიან, სადაც ავიაბაზაა განთავსებული.
სირიის არმიას ინფორმაცია ჯერჯერობით არ დაუდასტურებია.
აღნიშნული შეტავა უკანასკნელი რამდნიმე დღის მანძილზე მესამეა და ყველაზე აგრესიული 2014 წლიდან.
ასევე ვრცელდება, რომ რაკასკენ მიემართება ოპოზიციური ალიანსი, რომელსაც კოალიცია უჭერს მხარს აშშ-ს მეთაურობით.
ისლამისტების კიდევ ერთ მნიშვნელოვან ცენტრზე, ერაყის ქალაქ ფალუჯაზე მიმდინარეობს ძლიერი შეტევები.
სირიაში სამოქალაქო ომი 2011 წლიდან მიმდინარეობს. მას 250 ათასი ადამიანის სიცოცხლე ემსხვერპლა.
