ალეპოდან მიღებული ცნობების მიხედვით, სირიის სამთავრობო ჯარი, რომელსაც რუსეთის არმია ამაგრებს, ქალაქის უბნებზე, სადაც ამბოხებულები არიან გამაგრებული, წარმატებულად ანხორციელებს შეტევას.
სირიის ადამიანის უფლებების მონიტორინგის ცენტრის მონაცემებით, რომელიც ბრიტანეთში მდებარეობს, შეტევა წუხელ გვიან დაიწყო.
გაეროს მაღალჩინოსანმა სტივენ ო’ბრაიანმა განაცხადა, რომ რაიონები, სადაც ამბოხებულები არიან, “ჯოჯოხეთს განიცდიან”. მან მხარეებს მოუწოდა, მშვიდობიანი მოსახლეობის სასწრაფო ევაკუაცია მოახდინონ და მოქალაქეებს სამედიცინო დახმარების უფლება მისცენ – “ბიბისი” წერს.