თურქული მედიით გავრცელებული ინფორმაციით, ქვეყანაში არსებულ 3 მილიონამდე სირიელ ლტოლვილს შორის მყოფი 18-დან 45 წლამდე მამაკაცები, თურქეთის არმიაში სამსახურს და თურქებთან ერთად მათი შემფარველი ქვეყნის დაცვას ითხოვენ.
როგორც თურქული მედია აცხადებს, მსგავსი მოთხოვნით, სირიელმა ლტოლვილებმა ხელმოწერების შეგროვება დაიწყეს და ამ მომენტისთვის უკვე 30.000-მდე ხელმოწერა შეგროვილი აქვთ. თურქეთის ოფიციალური სახელმწიფო სტრუქტურები ჯერჯერობით ამ თემაზე დუმან… თუმცა მედია აცხადებს, რომ საკანონმდებლო ორგანოში სირიელი ლტოლვილების მოთხოვნა განხილული იქნება.
შეგახსენებთ, რომ თურქეთში, 2011 წელს სირიაში დაწყებული სამოქალაქო ომისაგან გამოქცეულ ლტოლვილთა რაოდენობა, დღეისთვის 3 მილიონამდე აღწევს. აქედან 300.000-მდე ლტოლვილთა ბანაკებში ცხოვრობს, ხოლო დანარჩენები თურქეთის სხვადასხვა რაიონებში არიან გაბნეული.