სიონში, სადაც ილია II-ის გადასვენებისთვის ემზადებიან, ადგილზე მობილიზებულია ჯარი და პოლიცია. ადგილზე სამზადისი უკვე დასრულებულია.
ადგილზე დამონტაჟებულია ხმის გამაძლიერებლები, ისმის გალობაც. ახლა სიონში სრულიად საქართველოს კათოლიკოს პატრიარქის გადასვენებას ელოდებიან.
ტაძარში, სადაც საქართველოს 8 პატრიარქია დასვენებული, უკვე გაჭრილია სამარხი ახლადშესვენებული ქვეყნის სულიერი ლიდერისთვის. ილია მეორეს ამბიონთან, საკურთხევლის გასწვრივ დაკრძალავენ.
დღეს ვაცილებთ მსოფლიო ადამიანს, ქართველი ხალხისთვის იყო საოცრება, საოცარი მამა, ერთგული, პატიოსანი, სიყვარულით სავსე. ისეთი ბავშვური, ისეთი ტკბილი და ასე ტკბილად იქნება ალბათ იმ ქვეყნადაც. მსოფლიო ემშვიდობება ჩვენს პატრიარქს, – ამბობს ადგილზე მყოფი მოქალაქე.
