სიონში საფლავის გაჭრა დასრულდა,– ამბობს სიონის საპატრიარქო ტაძრის მღვდელმსახური, მამა გიორგი.
მისი თქმით, ილია მეორეს დაკრძალვისთვის ადგილზე მთელი დღის განმავლობაში სხვადასხვა სახის სამუშაოები მიმდინარეობდა. გარე პერიმეტრზე დამონტაჟებული იქნება ეკრანები და ხმის გამაძლიერებლები.
“უწმინდესი პატრიარქი დაიკრძალება უშუალოდ საკურთხეველთან, კანკელის ზღვარზე. თქვენ იცით, რომ ტაძარი წმინდა ადგილია, მაგრამ ამ წმინდა ადგილს შორის განსაკუთრებული სიწმინდით გამოირჩევა საკურთხეველი. ალაგი, სადაც მისი უწმინდესობა დაიკრძალება არის განსაკუთრებული სიონის საპატრიარქო ტაძარში” [ტვ პირველი] – ამბობს მამა გიორგი.
ილია მეორეს სამების ტაძრიდან ხვალ 15 საათზე გამოასვენებენ და სიონამდე ფეხით მსვლელობით გადაასვენებენ.
