სინოპტიკოსები აღმოსავლეთ საქართველოს მთიან და მაღალმთიან რაიონებში ისევ სეტყვას ელოდებიან.
ზოგიერთ რაიონში მოსალოდნელია ხანმოკლე წვიმა ელჭექით, ზოგან შესაძლებელია – ძლიერი. თუმცა, ამინდის ეროვნული ბიუროს ინფორმაციით, ისეთი ძლიერი სეტყვა, როგორც წინა დღეებში იყო, უახლოეს პერიოდში აღარ განმეორდება.
სანაპირო რაიონში კი უმეტესად უნალექო ამინდია. ტემპერატურა კვლავ მაღალია და აღმოსავლეთ საქართველოში 35-37 გრადუსამდე აღწევს.
არამდგრად ამინდებს სინოპტიკოსები თბილისში ღამის და საღამოს საათებში ელოდებიან, რაც ხანმოკლე ხასიათის წვიმებით გამოიხატება. ჰაერის ტემპერატურა აქაც 35-37 გრადუსს აღწევს.
სინოპტიკოსების თქმით, არამდგრადი ამინდი მთელი ქვეყნის ტერიტორიაზე ნარჩუნდება. გამოდარებას კი ამინდის ბიუროში 9 აგვისტოს შემდეგ ელოდებიან.
