შვედეთში, რამდენიმე ქალაქში ერთად, ათობით მანქანას წაუკიდეს ცეცხლი. პოლიცია მომხდარს დაგეგმილ აქციას უწოდებს. მოზარდების ბანდებმა, რომელთაც სახეზე დაფარული ჰქონდათ, დაამსხვრიეს ან დაწვეს დაახლეობით 80 მანქანა. ხულიგნების აქცია, ადგილობრივი დროით დაახლოებით საღამოს 9 საათზე დაიწყო.
“ეტყობა, საქმე გვაქვს საგულდაგულოდ დაგეგმილ საქმესთან, თითქმის სამხედრო ოპერაციასთან” – შვედეთის პრემიერ-მინისტრმა სტეფან ლევანმა განაცხადა.
მანქანები დაწვეს სტოკჰოლმში, გოტებორგში და მათ მიმდებარე ქალაქებში.
პოლიციამ რამდენიმე მოზარდის იდენთიფიცირება მოახდინა. რადიოთი გამოსვლისას შვედეთის პრემიერმა მოზარდებს შეკითხვით მიმართა: “რა ჯანდაბას აკეთებთ?”
ბოროტმოქმედების მოტივი ჯერჯერობით უცნობია.