რამდენიმე დღის წინ, ვაჟა ფშაველას მე-6 კვარტალში, პირველ კორპუსთან ყაჩაღობა მოხდა. როგორც „თაიმერს“ თვითმხილველებმა აცნობეს, თავდამსხმელებმა მამაკაცს ჯერ თავში ბლაგვი საგანი ჩაარტყეს, შემდეგ სცემეს და ოქროს ჯაჭვი, ასევე, ფული წაართეს, თუმცა შინაგან საქმეთა სამინისტროში ყაჩაღობას არ ადასტურებენ და მომხდარს კატეგორიულად უარყოფენ.
როგორც უწყებაში აცხადებენ მომხდარზე გამოძიება 126-ე მუხლით მიმდნარეობს, რაც ცემას, ან სხვა ისეთ ძალადობას გულისხმობს, რამაც დაზარალებულის ფიზიკური ტკივილი გამოიწვია.