შსს წულაიას დაკავებაზე განცხადებას აკეთებს

გოგი წულაიას დაკავებასთან დაკავშირებით, შსს განცხადებას ავრცელებს, საიდანაც ირკვევა, რომ წულაიამ ქალზე ფიზიკურად იძალადა:

შინაგან საქმეთა სამინისტროს საპატრულო პოლიციის დეპარტამენტის თბილისის მთავარი სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 1963 წელს დაბადებული გ.წ., ძალადობის ბრალდებით, თბილისში დააკავეს.

გამოძიებით დადგინდა, რომ ბრალდებულმა მამაკაცმა თბილისში, ნაქირავებ ბინაში, ნაცნობ ქალზე – 1979 წელს დაბადებულ ა.დ- ზე ფიზიკურად იძალადა.

საპატრულო პოლიციის თანამშრომლებმა, საქმეზე ჩატარებული გადაუდებელი საგამოძიებო მოქმედებების შედეგად, გ.წ. ბრალდებულის სახით დააკავეს – აცხადებენ შსს-ში

მომხდარზე გამოძიება საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს, რაც ძალადობას გულისხმობს.

ვირუსის ბლოკატორები
წინა სტატიაშიპარლამენტში ახალშექმნილ კულტურის კომიტეტში წევრთა რაოდენობა არანაკლებ 10 დეპუტატით განისაზღვრა
შემდეგი სტატიასახელმწიფო ელექტროსისტემა – ქვეყანაში ელექტროენერგიის გამომუშავება შემცირებულია