შინაგან საქმეთა სამინისტროს საექსპერტო-კრიმინალისტიკურ დეპარტამენტში წარდგენილ პირთა ნარკოლოგიური ექსპერტიზის 2026 წლის II კვარტლის მონაცემები ცნობილია.
ოფიციალური სტატისტიკის თანახმად, საანგარიშო პერიოდში ნარკოლოგიურ ექსპერტიზაზე სულ 4 916 პირი წარადგინეს, საიდანაც ნარკოტიკული თრობის ფაქტი 3 788 პირს (დაახლოებით 77%-ს) დაუდასტურდა.
ყველაზე მეტი შემოწმებული და დადებითი შემთხვევა თბილისშია:
თბილისი: წარდგენილი იყო 1 500 პირი, საიდანაც დადებითი შედეგი 1 295 პირს დაუდგინდა.
შიდა ქართლი: წარდგენილი 778 პირიდან თრობა 602-ს დაუდასტურდა.
სამეგრელო: წარდგენილი 630 პირიდან დადებითი პასუხი 475-ს ჰქონდა.
იმერეთი: წარდგენილი 592 პირიდან — 390 დადებითი შემთხვევა.
ქვემო ქართლი: წარდგენილი 408 პირიდან — 310 დადებითი შემთხვევა.
კახეთი: წარდგენილი 350 პირიდან — 253 დადებითი შემთხვევა.
აჭარა: წარდგენილი 325 პირიდან — 236 დადებითი შემთხვევა.
სამცხე-ჯავახეთი: წარდგენილი 238 პირიდან — 150 დადებითი შემთხვევა.
გურია: წარდგენილი 95 პირიდან — 77 დადებითი შემთხვევა.
ასაკობრივი ჭრილი და სქესი:
25-44 წლის ასაკობრივი ჯგუფი: ყველაზე მაღალი მაჩვენებელი სწორედ ამ ასაკობრივ ჯგუფზე მოდის. სულ წარდგენილი იყო 2 936 პირი (2 865 კაცი, 71 ქალი), საიდანაც ნარკოტიკული თრობა 2 277 პირს (2 237 კაცი, 40 ქალი) დაუდასტურდა.
45-60 წლის ასაკობრივი ჯგუფი: წარდგენილი 1 301 პირიდან (1 288 კაცი, 13 ქალი) დადებითი შედეგი 1 029 პირს (1 024 კაცი, 5 ქალი) აღენიშნა.
18-24 წლის ასაკობრივი ჯგუფი: ექსპერტიზაზე წარდგენილი 527 პირიდან (504 კაცი, 23 ქალი) თრობა 385 პირს (370 კაცი, 15 ქალი) დაუდგინდა.
60 წლის და ზემოთ: წარდგენილი 145 პირიდან (144 კაცი, 1 ქალი) დადებითი პასუხი 94 კაცს ჰქონდა.
18 წლამდე ასაკის პირები: სულ წარდგენილი იყო 7 არასრულწლოვანი (5 ვაჟი, 2 გოგონა), საიდანაც ნარკოტიკული თრობა 3 ვაჟს დაუდასტურდა.
