შსს-ს აპრილის თვის სტატისტიკის მიხედვით ადმინისტრაციულ სამართალდარღვევებზე რეაგირება გაზრდილი, ხოლო ავტოსაგზაო შემთხვევების რაოდენობა შემცირებულია.
როგორც შინაგან საქმეთა სამინისტროს სტატისტიკაშია აღნიშნული, 170 პროცენტით გაიზარდა რეაგირება მოძრაობის დაწყების, განლაგების ან/და მანევრირების წესის დარღვევაზე; 89,6 პროცენტით არის გაზრდილი საპატრულო პოლიციის რეაგირება უწყვეტი ღერძულა ხაზის გადაკვეთაზე, რაც შეეხება სიჩქარის გადაჭარბებაზე რეაგირებას, შსს-ს ცნობით 66 პროცენტით არის მომატებული რეაგირება; 53,3 პროცენტით გაიზარდა საპატრულო პოლიციის რეაგირება მძღოლის მიერ მობილურით სარგებლობაზე; ღვედის გამოუყენებლობაზე პოლიციის რეაგირება 33,2 პროცენტით, ხოლო საგზაო ნიშნის/მონიშვნის დაუმორჩილებლობა 13,2 პროცენტით არის მომატებული.
რაც შეეხება ავტოსაგზაო შემთხვევების რაოდენობას, შსს-ს ინფორმაციით, მონაცემები 16,1 პროცენტით შემცირდა. შემცირებულია დაშავებულთა რაოდენობაც და ის 23,3 პროცენტს შეადგენს, გარდაცვლილთა რაოდენობა კი 8 პროცენტით შემცირდა.
