შსს-მ თბილისის 61-ე საჯარო სკოლაში მომხდარ ინციდენტზე გამოძიება ძალადობის მუხლით დაიწყო

შინაგან საქმეთა სამინისტრომ თბილისის 61-ე საჯარო სკოლაში ინციდენტზე გამოძიება ძალადობის მუხლით დაიწყო.

უწყების ცნობით, გამოძიება სსსკ-ის 126-ე მუხლით მიმდინარეობს, რაც ძალადობას გულისხმობს. როგორც შსს-ში აცხადებენ, მომხდარზე საგამოძიებო მოქმედებები მიმდინარეობს.

61-ე საჯარო სკოლაში დაპირისპირების მონაწილე მოსწავლეებთან გასაუბრება დასრულდა. შსს-ს ინფორმაციით, მოსწავლეებს განყოფილებაში გადაიყვანენ, სადაც მათ პასუხისმგებელ პირებთან ერთად გამოკითხავენ.

ფიზიკური დაპირისპირება ორ მე-11 კლასელს შორის გაკვეთილის მიმდინარეობისას დღეს დილით მოხდა. ფაქტზე მანდატურმა რეაგირება მოახდინა და მომხდარის შესახებ 112-ს შეატყობინა. ადგილზე პოლიციასთან ერთად, სასწრაფო-სამედიცინო დახმარების სამსახურიც იმყოფება.

banner
წინა სტატიაშიირაკლი კობახიძე – მთავარი ამოცანაა, ავლაბრის სასახლის შენობა საზოგადოებას, ხალხს მოემსახუროს
შემდეგი სტატიასაბაზო განათლების მქონე პირებს პროფესიის შესწავლასთან ერთად საშუალება ექნებათ, ისწავლონ მე-10, მე-11, მე-12 კლასის მასალა