საქართველოს შინაგან საქმეთა სამინისტრომ ჭიათურის მაღაროში მუშის დაღუპვის ფაქტზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ცნობისთვის, დღეს დილით, დაახლოებით 05:00 საათზე, ჭიათურის მაღაროში, ჭერიდან დიდი ზომის ლოდების ჩამოშლის შედეგად გვირაბგამყვანის პოზიციაზე მომუშავე 45 წლამდე მუშა, ზაზა აბრამიშვილი დაიღუპა.
