შსს-მ ბუდაპეშტის ქუჩაზე მომხდარ მკვლელობაში ბრალდებულები დააკავა

თაიმერი timer.ge
ავტ.: თაიმერი timer.ge მაისი 13, 2017 12:53

შსს-მ ბუდაპეშტის ქუჩაზე მომხდარ მკვლელობაში ბრალდებულები დააკავა

შსს-ს თბილისის პოლიციის დეპარტამენტის დეტექტივების სამმართველოს თანამშრომლებმა, 1998 წელს დაბადებული მ.კ. და 1997 წელს დაბადებული გ.გ. განზრახ მკვლელობის ბრალდებით დააკავეს.

შსს-ს პრესსამსახურის ცნობით, გამოძიებამ დაადგინა, რომ მ.კ.-მ და მისმა მეგობარმა, გ.გ.-მ მიმდინარე წლის 9 აპრილს თბილისში, ბუდაპეშტის ქუჩაზე, მ.კ.-ს ბაბუას, 1940 წელს დაბადებულ ჯ.კ.-ს, ანგარების მიზნით, მისსავე საცხოვრებელ ბინაში ცივი იარაღით სასიკვდილო ჭრილობები მიაყენეს, შემდეგ, დანაშაულის დასაფარად, ბინაში ხანძარი გააჩინეს და შემთხვევის ადგილიდან მიიმალნენ.

სამართალდამცველებმა ორივე ბრალდებული თბილისში დააკავეს. ისინი ჩადენილ დანაშაულს აღიარებენ.

გამოძიება დამამძიმებელ გარემოებაში ჩადენილი განზრახ მკვლელობის ფაქტზე საქართველოს სსკ-ის 109-ე მუხლით მიმდინარეობს.

თაიმერი timer.ge
ავტ.: თაიმერი timer.ge მაისი 13, 2017 12:53

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,098
ვიზიტორი
დღეში
Powered By Google Analytics