შსს 9 მაისს დაგეგმილი აქციების მონაწილეებს მიმართავს

თაიმერი timer.ge
ავტ.: თაიმერი timer.ge მაისი 8, 2019 19:05

შსს 9 მაისს დაგეგმილი აქციების მონაწილეებს მიმართავს

საქართველოს შინაგან საქმეთა სამინისტრო 9 მაისს დაგეგმილი აქციების მონაწილეებს მიმართავს.

უწყების ცნობით, პოლიცია იმოქმედებს კანონის შესაბამისად ყველა იმ პირის მიმართ, რომლის ქმედებაც გასცდება გამოხატვის თავისუფლების ფარგლებსა და კანონის მოთხოვნებს.

შს სამინისტრო მოუწოდებს ყველას, იმოქმედონ კანონის მოთხოვნათა დაცვით, წინააღმდეგ შემთხვევაში პოლიცია განახორციელებს საქართველოს კანონმდებლობით განსაზღვრულ ქმედებებს.

„9 მაისს თბილისსა და საქართველოს სხვადასხვა რეგიონში დაგეგმილ აქციებთან დაკავშირებით გვსურს, საზოგადოებას ვაცნობოთ, რომ შინაგან საქმეთა სამინისტრო უზრუნველყოფს მართლწესრიგის დაცვას შეკრების ადგილებზე. ამასთან, პოლიცია იმოქმედებს კანონის შესაბამისად ყველა იმ პირის მიმართ, რომლის ქმედებაც გასცდება გამოხატვის თავისუფლების ფარგლებსა და კანონის მოთხოვნებს.

საზოგადოებას შევახსენებთ, რომ საქართველოს კანონის „თავისუფლების ქარტიას“ თანახმად, აკრძალულია კომუნისტური ტოტალიტარული და ფაშისტური იდეოლოგიის მატარებელი და პროპაგანდის საშუალებების გამოყენება. შესაბამისად, მოვუწოდებთ ყველას, იმოქმედონ კანონის მოთხოვნათა დაცვით, წინააღმდეგ შემთხვევაში პოლიცია განახორციელებს საქართველოს კანონმდებლობით განსაზღვრულ ქმედებებს“, – აღნიშნულია შსს-ს ინფორმაციაში.

თაიმერი timer.ge
ავტ.: თაიმერი timer.ge მაისი 8, 2019 19:05