შს მინისტრი საქართველოში ევროპის საბჭოს ოფისის ხელმძღვანელს შეხვდა

შინაგან საქმეთა მინისტრი, ვახტანგ გომელაური საქართველოში ევროპის საბჭოს
ოფისის ხელმძღვანელს, კრისტიან ურსეს შეხვდა.

შეხვედრაზე მხარეებმა სამინისტროში მიმდინარე და დაგეგმილი რეფორმები
განიხილეს. შინაგან საქმეთა მინისტრმა და ევროპის საბჭოს ოფისის
ხელმძღვანელმა არსებულ გამოწვევებზე, სამომავლო ურთიერთობის გეგმებსა და
პრიორიტეტულ მიმართულებებზე იმსჯელეს.

ვახტანგ გომელაურმა ხაზი გაუსვა ევროპის საბჭოს მხარდაჭერით შინაგან
საქმეთა სამინისტროში განხორციელებულ მნიშვნელოვან პროექტებს და კრისტიან
ურსეს მრავალწლიანი ეფექტიანი თანამშრომლობისთვის მადლობა გადაუხადა.

ევროპის საბჭო შინაგან საქმეთა სამინისტროსთან მჭიდროდ თანამშრომლობს და
ახორციელებს პროექტებს მნიშვნელოვანი მიმართულებებით, მათ შორის ადამიანის
უფლებების დაცვისა და კიბერდანაშაულთან ბრძოლის კუთხით.

banner
წინა სტატიაში“თუ ცოდვებით შეპყრობილი სასულიერო პირები არსებობენ, მეუფე პეტრემ ისინი უნდა დაასახელოს”-გიორგი ანდრიაძე
შემდეგი სტატია“პატრიარქმა და ივანიშვილმა იუდას ამბორი გაცვალეს, რაც არც მათ “შერიგებას” ნიშნავს”-სევდია უგრეხელიძე