გიორგი გახარია პარლამენტში დეკემბრის ბოლომდე მივა. არსებული ინფორმაციით, შს მინისტრს იურიდიული კომიტეტზე მოუსმენენ. ჯერჯერობით კონკრეტული თარიღი შეთანხმებული არ არის, თუმცა გადაწყვეტილია, რომ ძალოვანი უწყების ხელმძღვანელი კანონმდებლების კითხვებს უპასუხებს.
გიორგი გახარიას პარლამენტში “ევროპული საქართველო“ იბარებს. ოპოზიციას კითხვები შს მინისტრთან ხორავას ქუჩაზე მოზარდების მკვლელობის საქმესთან დაკავშირებით აქვს.