შინაგან საქმეთა მინისტრის გიორგი მღებრიშვილის განცხადებით, გამოძიება დაადგენს, თუ ვის ეკუთვნის საბრძოლო მასალა და ცეცხლსასროლი იარაღის მარაგი, რომელსაც შსს-მ სახელმწიფო უსაფრთხოების სამსახურთან და მთავარ პროკურატურასთან ერთად მიაკვლია.
„იარაღები ამოღებულია სხვადასხვა ლოკაციებიდან, სხვადასხვა დროს, სხვა დანარჩენ გარემოებებს დაადგენს გამოძიება, თუ ვის ეკუთვნოდა, ვინ დამალა და ა.შ.“, – აღნიშნავს მღებრიშვილი.
შინაგან საქმეთა სამინისტრომ, სახელმწიფო უსაფრთხოების სამსახურთან და მთავარ პროკურატურასთან ერთად, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, საქართველოს ტერიტორიაზე, საბრძოლო მასალისა და ცეცხლსასროლი იარაღის მარაგს დღეს მიაკვლია.
