შრი-ლანკის სასჯელაღსრულების დაწესებულებაში მომხდარი მასშტაბური არეულობის შედეგად, სულ მცირე, 25 პატიმარი დაიღუპა. ქვეყნის ოფიციალური უწყებების ინფორმაციით, სხვადასხვა ხარისხის დაზიანებები მიიღო 100-ზე მეტმა პირმა.
დაპირისპირება ქალაქ ნეგომბოში მდებარე ციხეში, მსჯავრდებულებსა და წინასწარ პატიმრობაში მყოფ პირებს შორის მოხდა. კონფლიქტის ზუსტი მოტივი ამ დროისთვის უცნობია.
სიტუაციის სტაბილიზაციის მიზნით, სასჯელაღსრულების დაწესებულების ტერიტორიაზე ამჟამად მობილიზებული არიან სამართალდამცველები და სამხედრო შენაერთები. პარალელურად, მიმდინარეობს დაშავებულთა და დაღუპულთა იდენტიფიცირების პროცესი.
