შრი-ლანკას ტერორისტები განათლებულები და უზრუნველყოფილი ოჯახებიდან იყვნენ

თაიმერი timer.ge
: თაიმერი timer.ge აპრილი 25, 2019 00:46

შრი-ლანკას ტერორისტები განათლებულები და უზრუნველყოფილი ოჯახებიდან იყვნენ

შრი-ლანკას სამართალდამცველებმა ცხრა თვითმკვლელი ტერორისტიდან რვის იდენთიფიცირება შეძლეს. თითქმის ყველა თვითმკვლელი განათლებული და უზრუნველყოფილი ოჯახიდან იყო. ერთი მათგანი – ქალი, ერთ-ერთი ტერორისტის ცოლი იყო. ყველა მათგანს საზღვარგარეთ კავშირები ქონდათ.
“ერთ-ერთი თვითკვლელი ბრიტანეთში სწავლობდა, უმაღლესი იურიდიული განათლება კი ავსტრალიაში მიიღო, შემდეგ ის შრი-ლანკაში დაბრუნდა” – ქვეყნის თავდაცვის მინისტრის მოადგილემ რუვან ვიჯევარდნემ თქვა. “მათ ფულის პრობლემა არ ჰქონიათ, მათი ოჯახები უზრუნველყოფლი იყვნენ, ფინანსური გაგებით” – დაამატა მინისტრმა.
კვირას, ტერაქტების სერიის შედეგად 350 ადამიანი გარდაიცვალა, 500-ზე მეტი დაშავებულია.

ორი ტერორისტი კოლომბოში ერთ-ერთი ცნობილი ვაჭრის შვილები იყვნენ. ზუსტად ამ ორმა – 31 წლის ილხამმა და 33 წლის ინშარ იბრაჰიმმა ააფეთქეს სასტუმროები Shangri-La და Cinnamon Grand. ინშარ იბრაჰიმი კოლომბოში ფაბრიკის მფლობელი იყო. პოლიცია ამბობს, რომ მათი ოჯახის წევრებიც ისლამისტურ დაჯგუფებას ეკუთვნოდნენ. უფრო მეტიც, როცა პოლიციელები მივიდნენ მათ სახლში, ერთ-ერთი ძმის ცოლმა თავი აიფეთქა, რომლის შედეგადაც მასთან ერთად თავისი ორი შვილი მოკვდა – Daily Mail-ი წერს. იბრაჰიმის სახლთან ერთ-ერთმა ძმამ მოასწრო ასევე, აფეთქება, რომლის შედეგადაც მისი ცოლი და სამი შვილი მოკვდა. “კარგი ადამიანები ჩანდნენ” – მეზობელი ამბობს მედიასთან საუბარში – “ბიბისი” წერს.

როგორც აღმოჩნდა, ძმები არ მალავდნენ რადიკალურ განწყობას. პოლიცია ძმების მამას, მოჰამედ იუსუფ იბრაჰიმს კითხავს. მას ქალაქში ბევრი ადამიანი სცემს პატივს. “ის ყოველთვის ეხმარებოდა ღარიბებს საჭმლითაც და ფულითაც” – ამბობენ ადგილობრივები და არ სჯერათ, რომ მისი ოჯახის წევრებმა მოაწყვეს თავდასხმა.

ტერაქტი კარგად იყო კოორდინირებული. “ისინი კარგად იყვნენ მომზადებულები. კოორდინაცია უმაღლეს დონეზე იყო. მანამდე მსგავს რამეს არ შევხებივართ” – გუშინ ქვეყნის პრემიერ-მინისტრმა თქვა. ტერაქტების საქმეზე 60-ზე მეტი ეჭვმიტანილია დაკავებული.

გუშინ “დოიჩე ველემ” გაავრცელა, რომ შრი-ლანკას მთავრობამ რამდენიმე გაფრთხილება მიიღო იმაზე, რომ ქვეყანაში ტერაქტების სერია მზადდებოდა. აღნიშნულ საქმესთან დაკავშირებით მთავრობის უმაღლეს ეშელონებში გამოძიებაა დაწყებული. მთავრობის პრეს-მდივანმა რაჯიტ სენარატნემ პრეს-კონფერეციაზე თქვა, რომ ტერაქტების მომზადების შესახებ ინფორმაცია 4 აპრილს უკვე ჰქონდათ, რომლის შემდეგადაც თავდაცვის სამინისტრომ პოლიციის შეფს დეტალური მოხსენება გაუგზავნა, 11 აპრილს კი უშიშროების სამსახურების ადგილობრივ ხელმძღვანელებს გაეგზავნათ ინფორმაცია.
პრეს-მდივნის თქმით, გაგზავნილი მოხსენება, ასევე, მოიცავდა უცხოური სპეცსამსახურების მიერ შეტევაზე გაფრთხილებას და ექსტრემისტული დაჯგუფებების წევრთა სახელებსა და გვარებს.

თაიმერი timer.ge
: თაიმერი timer.ge აპრილი 25, 2019 00:46

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics