გერმანიის კანცლერს ოლაფ შოლცს სურს, დამატებით 2 მილიარდი ევრო დახარჯოს უკრაინის სამხედრო დახმარებაზე. კერძოდ, სამხედრო ტექნიკის შესაძენად. ამის შესახებ Reuters წერს.
გერმანიის მთავრობის წყაროს ცნობით, მოსალოდნელია, რომ 400 მილიონი ევრო გადაირიცხება ევროპის მშვიდობის ფონდში, რომელიც უკრაინისთვის იარაღს ყიდულობს. დარჩენილი თანხა კიევთან ორმხრივ სამხედრო კონტრაქტებზე იქნება მიმართული.
მანამდე გერმანიამ განაცხადა, რომ არ იყვნენ მზად, უკრაინისთვის მიეწოდებინათ ყველა ის იარაღი, რაც ბუნდესვერს აქვს მარაგში.