გავრცელებული ინფორმაციის თანახმად, რამდენიმე დღის წინ ჩხოროწყუს რაიონში, ტობავარჩხილის მიმდებარედ ადგილობრივმა მამაკაცმა გერმანელ ტურისტებზე ძალადობა სცადა.
„თაიმერის“ ინფორმაციით, შუახნის მამაკაცი ტურისტების კარავში შესვლას ძალის გამოყენებით ცდილობდა, თუმცა, ქალბატონებმა პოლიციაში დარეკვა მოახერხეს და ადგილზე ოპერატიულად გამოცხადებულმა სამართალდამცველებმა იძულების მცდელობის ფაქტი აღკვეთეს.
გამოძიება საქართველოს სსკ-ს 19-150-ე მუხლით მიმდინარეობს, რაც იძულების მცდელობას გულისხმობს.
