“შიმშილობა იყო ინსტრუმენტი, ბრძოლის ეს ფორმა თუ უკვე მიშას საწინააღმდეგოდ იმუშავებს, ვფიქრობ, მუშაობა უნდა დავიწყოთ მის გადახედვაზე,”

შიმშილობა იყო ინსტრუმენტი, ბრძოლის ეს ფორმა თუ უკვე მიშას საწინააღმდეგოდ იმუშავებს , ვფიქრობ, მუშაობა უნდა დავიწყოთ ინსტრუმენტის გადახედვაზე, ჩანაცვლებაზე, – ამის შესახებ მიხეილ სააკაშვილის ადვოკატმა, ნიკა გვარამიამ განაცხადა.

მისივე თქმით, არწივი არის მიხეილ სააკაშვილი.

„პირველად ვიტყვი ჩემს ცხოვრებაში ჩემს პოზიციას იმასთან დაკავშირებით, თუ როგორ ვფიქრობ, როგორ უნდა გაგრძელდეს ეს ყველაფერი. როგორც წესი, მე არ ვსაუბრობ ამაზე, მით უმეტეს მიშასთან შესვლამდე. მიხეილ სააკაშვილი არის ამ სახელმწიფოს დამფუძნებელი, მიხეილ სააკაშვილმა თავისი შიმშილობით ეს სახელმწიფო კვლავ გააღვიძა. ეს კადრები, რომლებიც გამოქვეყნდა, უნდა ვაცნობიერებდეთ, რომ მიზნად ისახავს მიხეილ სააკაშვილის სიკვდილს. მარტივად აგიხსნით რატომ. იმიტომ, რომ როგორც კი ვიწყებთ საუბარს სიტუაციის სტაბილიზაციაზე და მისი გადარჩენის გზებზე, იწყება დეზინფორმაცია, რომ ის ჭამს, მერე აქვეყნებენ კადრებს, სადაც თითქოს უკვე ფაფებს კი არა, მწვადებს ჭამს და რა თქმა უნდა, ამაზე ყოველთვის რეაქცია, უკურეაქცია აქვს მძევალს, მიხეილ სააკაშვილს და კიდევ უფრო მძიმდება მისი მდგომარეობა. ახლა ხელისუფლებამ მშვენივრად იცის, რომ სტრასბურგის მოწოდების შემდეგ, საერთაშორისო ორგანიზაციის მოწოდების შემდეგ, ჩვენ უკვე ვიხილავთ ვარიანტებს იმასთან დაკავშირებით, თუ როგორ შეიძლება, გამოვიდეთ ამ ვითარებიდან ღირსეულად და პირველ რიგში, ქვეყნისთვის სასარგებლოდ. ამიტომაც არის ეს კადრები გამოქვეყნებული, სხვა ახსნა არ აქვს, რადგან ეს ხელისუფლებისთვის არის უმძიმესად წამგებიანი კადრები და ეს კადრები მიზნად ისახავს უკვე არა მიხეილ სააკაშვილის სიკვდილს, არამედ მიხეილ სააკაშვილის სიკვდილის შემდეგ ამ ქვეყნის განადგურებას და დასრულებას, ერთ მშვენიერ დილას რომ ყველამ გავიღვიძოთ რუსული ტანკებით სავსე თბილისში. ამიტომ მე მგონია, რომ მიხეილ სააკაშვილმა, როგორც ამ სახელმწიფოს დამფუძნებელმა, კვლავ უნდა დააფუძნოს ეს სახელმწიფო, პირდაპირ ვამბობ ამას და გადაარჩინოს რუსეთის მიერ დაპყრობისგან, პირდაპირ. ეს ჩემი პოზიციაა, პირადი, რასაც მე მიშას აუცილებლად ვეტყვი. ეს არის ჩემი პოზიცია. შიმშილობა იყო ინსტრუმენტი, როცა ეს ინსტრუმენტი მუშაობს, ის მუშაობს, ბრძოლის ეს ფორმა მუშაობს, მაგრამ თუ ბრძოლის ეს ფორმა უკვე მიშას საწინააღმდეგოდ იმუშავებს და ქვეყნის, მე ვფიქრობ, რომ დროა, ჩვენ უნდა დავიწყოთ მუშაობა ინსტრუმენტის გადახედვაზე, სხვა ფორმით ჩანაცვლებაზე. ეს არის ჩემი კომენტარი“, – აღნიშნა ნიკა გვარამიამ.

წინა სტატიაშიუგულავა: მინდა, მოვიწონო, რომ მიხეილ სააკაშვილმა იმ მოძალადე კოდალას მოარტყა ყბაში
შემდეგი სტატიაგვარამია: „არწივი ვნახე დაჭრილი, ყვავ-ყორნებს ეომებოდა“, არწივი არის მიხეილ სააკაშვილი