შევთანხმდით, რომ პარლამენტი თბილისში იმუშავებს – ადა მარშანია

news
: news იანვარი 21, 2017 15:38

შევთანხმდით, რომ პარლამენტი თბილისში იმუშავებს – ადა მარშანია

პარლამენტის ქუთაისიდან თბილისში გადმოტანის საკითხზე შეთანხმება ნაწილობრივ მიღწეულია, – ამის შესახებ ფრაქცია „საქართველოს პატრიოტების“ წევრმა ადა მარშანიამ საკონსტიტუციო კომისიის ფარგლებში შექმნილი სასამართლოსა და ადამიანის უფლებებზე მომუშავე ჯგუფის შეხვედრის მიმდინარეობისას განაცხადა.

მისი თქმით, თემატური ჯგუფის შეხვედრაზე პარლამენტის ქუთაისიდან თბილისში გადმოტანაზე იმსჯელეს.

მარშანიას განცხადებით, კონსტიტუციაში ცვლილების შეტანის შემდეგ, საკანონმდებლო ორგანო დედაქალაქში გადმოვა.

„შევთანხმდით, რომ პარლამენტი თბილისში იმუშავებს და აქ გადმოვა“, – განაცხადა ადა მარშანიამ.

ამასთან, მისივე თქმით, შეხვედრაზე ცხარე კამათი გაიმართა კონსტიტუციის პრეამბულაში საქართველოს ევროატლანტიკური მისწრაფების დაფიქსირებასთან დაკავშირებით.

მარშანიას განმარტებით, „პატრიოტთა ალიანსი“ მსგავსი ჩანაწერის გაკეთების კატეგორიული წინააღმდეგია.

news
: news იანვარი 21, 2017 15:38

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,163
ვიზიტორი
დღეში
Powered By Google Analytics