შევარდნაძის მმართველობის ჩინოვნიკი შენგელი ფიცხელაური სუს-ის უფროსის მოადგილედ ინიშნება -“კურიერი”

თაიმერი timer.ge
: თაიმერი timer.ge მაისი 6, 2019 12:31

შევარდნაძის მმართველობის ჩინოვნიკი შენგელი ფიცხელაური სუს-ის უფროსის მოადგილედ ინიშნება -“კურიერი”

შევარდნაძის ეპოქის კიდევ ერთ საკადრო კოლორიტს “ქართული ოცნება” ხელისუფლებაში აბრუნებს – “კურიერის” ინფორმაციით, სუს-ის უფროსის მოადგილედ შენგელი ფიცხელაური ინიშნება.

ის უშიშროების სამსახურში, საგამოძიებო მიმართულებას 1998 წლამდე ხელმძღვანელობდა. ფიცხელაურმა საზოგადოებას თავი “რუსთავი2”-ს წინააღმდეგ განხორციელებული რეპრესიებით და სპეცოპერაციებით დაამახსოვრა.

გავრცელებულ ინფორმაციას თანამდებობაზე დანიშვნის შესახებ, “რუსთავი2”-თან სატელეფონო საუბრისას ის არც უარყოფს და არც ადასტურებს.

“არა, ჯერ არა. ყველაფერს გეტყვით, როდესაც გადაწყდება,“-აცხადებს ფიცხელაური.

კითხვაზე იყო მისი რეკომენდატორი, ყოფილი პრემიერი და შს მინისტრი ირაკლი ღარიბაშვილი, ფიცხელაური ამბობს, რომ არა. მისივე ინფორმაციით, ის შს მინისტრ გიორგი გახარიას მრჩეველია.

„არა ბატონო, მრჩეველი ვიყავი შს მინისტრის. ჯერ არ დავნიშნულვარ. იქნება არ ვინიშნები და წინასწარ ხომ არ დავიწყებ რაღაცეებზე საუბარს. როდესაც გადაწყდება დამირეკეთ და ყველაფერს გულწრფელად მოგახსენებთ,“-აცხადებს ფიცხელაური.

შენგელი ფიცხელაურს ძალოვან უწყებებში მუშაობის მრავალწლიანი გამოცდილება აქვს. ჯერ კიდევ საბჭოთა ხელისუფლების დროს, 1976 წლიდან ის მუშაობდა შინაგან საქმეთა სამმართველოში სხვადასხვა პოზიციებზე. 1991 წლიდან ფიცხელაურმა იუსტიციის სამინისტროში გადაინაცვლა. იყო ისნის რაიონის სასამართლოს თავმჯდომარე. შენგელი ფიცხელაურს შევარდნაძის მთავრობის დროს სახელმწიფო უშიშროების სამინისტროში საგამოძიებო სამსახურის უფროსის თანამდებობა ეკავა. ხელისუფლების ცვლილების შემდეგ მან საგანმანათლებლო საქმიანობა დაიწყო. ის ასევე არის სპორტსმენი ძიუდოისტი.

თაიმერი timer.ge
: თაიმერი timer.ge მაისი 6, 2019 12:31

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


4,438
ვიზიტორი
დღეში
Powered By Google Analytics