მთავრობისგან ყაზბეგში ჰესის ასაშენებლად მიწების მიმღები ბიზნესმენი, სულხან პაპაშვილი, საქართველოში ათობით კომპანიის წილებს ფლობს და ქვეყნის უმდიდრეს ადამიანებს შორის სახელდება.
Forbes Georgia-ს 2026 წლის მარტის მონაცემებით, სულხან პაპაშვილი საქართველოს 100 უმდიდრესი მეწარმის სიაში საპატიო ადგილს იკავებს. „ფორბსის“ თანახმად, მისი პირადი ქონება 249,17 მილიონ ლარადაა შეფასებული. აღსანიშნავია, რომ ამავე სიაში შედის მისი ძმა, ლაშა პაპაშვილიც.
ბიზნესმენს საკმაოდ ვრცელი და გავლენიანი წარსული აქვს:
წარსულში სულხან პაპაშვილი საქართველოს მეორე პრეზიდენტის, ედუარდ შევარდნაძის დაცვის სამსახურის უფროსის პოზიციას იკავებდა.
გასულ წლებში სტუდია „მონიტორის” ჟურნალისტური გამოძიებით ცნობილი გახდა მისი ფარული კავშირები ოფშორულ კომპანია „ელგრინთან“, რომელიც წლების განმავლობაში საქართველოში აზერბაიჯანული ელექტროენერგიის მსხვილ იმპორტს ახორციელებდა.
