რამდენიმე საათის წინ თანამდებობები დატოვეს შემოსავლების სამსახურის ხელმძღვანელმა მიხეილ მაღლაკელიძემ და ფინანსთა სამინისტროს საგამოძიებო სამსახურის უფროსმა ლევან ხარაბაძემ.
არსებული ინფორმაციით, მაღლაკელიძე და ხარაბაძე თანამშრომლებს გუშინ, გვიან ღამით დაემშვიდობნენ. ორივე მათგანი გადადგომის ოფიციალურ მიზეზად ოჯახურ მდგომარეობას ასახელებს.
ამასთან, მედიაში გავრცელებული ინფორმაციით, მათი თანამდებობებიდან წასვლის მიზეზად სახელდება შესაძლო პოლიტიკური კავშირებიც. კერძოდ, არსებობს ვერსია, რომ ორივე ხელმძღვანელის გათავისუფლება პოლიტიკიდან წასულ მამუკა მდინარაძესთან მათი სიახლოვეს უკავშირდება.
ამ ეტაპზე აღნიშნულ ინფორმაციაზე უწყებების მხრიდან ოფიციალური განმარტება არ გავრცელებულა.
